ADRESAS: http://www.aruodai.lt/paieska2/fiksacijos.php?OId=830&FId=1881&back=home

PAVADINIMAS: 2006 redaguota versija

ANKSTYVESNĖ FIKSACIJA:
1977 originalus M. Juškaitės rankraštis

DUOMENŲ TIPAS: visateksčiai duomenys

FIKSACIJOS TIPAS:
Redaguota versija

STILIUS: Liaudiška kalba

TEKSTINIS TURINYS:
[Arklių karalius]
Dar esu girdiejusi pasakuojimų ir iš gyva žmuogaus, iš sava patievi. Mona patievis bova didelis pijuoks ir didelis maininynks. Pirkdava, pardoudava, mainydava arklius, nu jau arklius uns. Ir esu girdiejusi šnekunt su mona seneliu a tep su vyras, ka rek bijuoti apsiperkti arklį karalių arba kumelį karalienį. Arklių, reiški. Anei turyntis tuokis žymis, kad anun či pri spronda, kap yšlenk sprondą, arklių tuokei kad y dal, yr dvišaks spronds kažkuoks, dvigyslis vadinams. Stipri yr arklių karale. ir jeigu tuokį arklį įsitaisa į sava botą, ar jau kas uns būtų, ar arklys, a kumeli, anei gera, gera, naudingi, geri, bet jeigu tas arklys kreta pry tavįs, ta dvylika arklių iš eilės kris pas tavi. Jeigu Tuokius laika arklius. ta tuo baisiausia bijuodava ir anei tei žinuoji tasžymis ir pasakuodava, ka net teisybi esunti. Net anei žinuntis, kur teik tų arklių iškresdava i bijuodava į sava botą įsitaisyti tun arklį karalių. Mažus kumeliukus jau gaspaduore tikrindava, ka praded augti, a nier karalius tik, anier karaliuks, šnekidava. Jau ka stengdavuos jau a priaugs, priauginsjau ir anun išlesti, išmainyti a pardouti, a kur, ka nu savis jau pastumti.
Nu i pilna žmuonis tikieji i, saka, ka tikra tep bova, uo dabar maža jau kas diemesį bakreip, nežinau, ar anų bier. Nu u tas mona jau patievis bova nu Plungis, tin nu Platelių bendra kilema, i tin jau, saka, didele ūkininka tou jau iti įsitikini bova ir visi jau galvuoji, ka tik tep ir yr. Saka, ka tikrumo tas bova, nežinau. Ta keik uns pasakuoji, teik aš žinau api tus arklius karalius.
Tikrindava či jau iš sketeruos, visumte griebdava už spronda. Iš maža nalaba suprasi. Turieji dvigyslį sprondą tuokį, stipriuoji gysla šakuojas į 2 šakas, kiti vadindava dvigysles dar. Puo karčiu namatyti.
Tur jiegą už du arkliu. Ikres, ka stipri i trapi bova: parsidirbdava. Spalva kap ir visų.
mainydauos daugiausia nuo Plungi. Patievis gyvena pas Lieplaukis, Paežerių kaimi.

PATEIKĖJAS: Stanislava Grikšienė-Pulmonaitė 56 m.

FIKSAVIMO METAI: 2006

IDENTIFIKUOTA FIKSAVIMO VIETA: Žarėnai, mstl., Žarėnų sen., Telšių r. sav., Telšių apskr., Lietuvos Respublika

FIKSAVIMO VIETA PAGAL ŠALTINĮ: Žarėnai

©: Adaptavimas Dangirutė Giedraitytė Lietuvių literatūros ir tautosakos institutas

Spausdinti

Atgal